def.am

միակողմանի աւիացիոն անվտանգութիւն

2025-02-25T00:00:00+04:00

Ընկերս անցած տարի UniFi Dream Router էր նուիրել։

Մի տարի անց սկսեց վատ աշխատել։ Խօսեցի UniFi-ի սպասարկման բաժնի հետ, պայմանաւորուեցինք, որ ռաութերը կուղարկեմ ԱՄՆ եւ փոխարէնը նոր ռաութեր կստանամ։

ՀայՓոստում դժուարութեամբ ընդունեցին առաքանին, զի հրաման կայ, որը արգելում ա ՀՀ-ից տեխնիկայ արտահանել։ Բացատրեցի, որ հետ եմ վերադարձնում, անսարք ա, ու մի քանի անգամ նշեցի որ մարտկոց չունի։ ՀայՓոստի աշխատակիցը իրենից կախուած ամէն ինչ արեց, որ ծանրոցը ուղարկուի։ Բայց էսօր իմացայ որ «Աւիացիոն անվտանգութեան» բաժինը մերժել ա առաքել ծանրոցը։ Մաքսայինից ասեցին, որ ռաութերի մեջ մարտկոց են տեսել։

Խնդիրը այն ա, որ ռաութերի մեջ մարտկոց չկայ, ու հնարաւոր չի տեսնել չեղած բանը։ Ուղղակի մարդիկ չեն կարողանում պատասխանատւութեամբ անել իրենց գործը։ Նայում են նկարը ու ենթադրում, որ մէջը մարտկոց կը լինի։

Անցած տարի էլ, նման խնդիր եղաւ երբ համակարգչիս պրոցեսորն էի փորձում հետ վերադարձնել։ Էլի ասեցին որ արգելված ա տեխնիկա արտահանել, բայց լաւ պրծա որ պրոցեսորի մէջ մարտկոց չգտան։

Մի քանի օրից կը լռանայ ռաութերը վերադարձնելու ժամկետը։ Փաստացի պետությունը ինձ էական վնաս պատճառեց։

Վերջերս էլ փաստաբանների հարկը բարձրացրին, ինչի հետեւանքով փաստաբանի ծառայութիւնը թանկացավ։ Պէտք ա կրածս վնասից երեք անգամ շատ գումար ծաղսեմ, որ կարողանամ փողհատուցում պահանջել։ Դա էլ հաստատ չի։

Հետաքրքիր ա, թե ոնց ա լինում, որ Ամերիկայից ամէն ինչ հասնում ա Հայաստան, իսկ հետ ուղարկելը խնդիր ա։ Ոնց ա Հայաստան եկող տեխնիկայի մէջ մարտկոց լինում, իսկ դուրս եկողի մէջ արգելուում։ Մեր աւիացիոն անվտանգութեան բաժինը երեւի պէտք ա վերապատրաստում անցնի։

ինչպէս գրանցուել Մաստոդոնում

2023-11-03T00:00:00+04:00

Մաստոդնում հաշիւ բացելու համար առաջին հերթին պէտք է ընտրէք հանգոյց։ Հանգոյցի ընտրութիւնը կարող էք անել տարբեր հանգամանքներից ելնելով։ Օրինակ որտեղ էք ուզում պահել ձեր տուեալները, ինչ բովանդակութեամբ էք հետաքրքրուած, որ հանգոյցի կանոնադրութիւնն է ձեզ համար ընդունելի եւ այլն։

Այս կայքում կարող էք տեսնել հասանելի հանգոյցների ցանկը՝

https://joinmastodon.org/servers

Հայաստանում եւս կան Մաստոդոնի հանգոյցներ։ Դրանցից են՝

https://թութ.հայ (xn–69aa8bzb.xn–y9a3aq)
https://անքուն.հայ (xn–y9a6bah4ck.xn–y9a3aq)
https://թ.չոլ.հայ (xn–69a.xn–99axc.xn–y9a3aq)

Սակայն ոչ բոլոր հանգոյցներում է գրանցումը բաց։ Պէտք է գտնէք բաց գրանցումով հանգոյց։ Գրանցման ընթացքում անհրաժեշտ է մուտքագրել լատինատառ անուն, էլ. փոստի հասցէ եւ ծածկագիր։ Տուեալները հաստատելուց յետոյ նշուած էլ. փոստին վաւերացման նամակ է գալու, որից յետոյ միայն ձեր հաշիւը կակտիւանայ։ Վաւերացման նամակը յաճախ ընկնում է «սպամ» թղթապանակի մէջ, քանզի գուգլը չի սիրում դրանք։

Մաստոդոնից օգտուելն առաւել յարմար դարձնելու համար խորհուրդ կը տամ տեղադրել նաեւ բջջային յաւելուած։ Ձեր սմարթֆոնին համապատասխան յաւելուածը կարող էք գտնել այստեղ։ Յաւելուածը տեղադրելուց յետոյ բացէք այն եւ մուտքագրէք ձեր տուեալները։

Որոշ յաւելուածներում հանգոյցի հասցէն կանխադրուած է։ Բայց քանի որ դուք արդէն ունէք հաշիւ ձեր ընտրած հանգոյցում, անհրաժեշտ է փոխել/նշել ձեր հանգոյցի հասցէն։ Եթե ձեր հանգոյցի հասցէն հայատառ է (օր. անքուն.հայ) անհրաժեշտ է փոխակերպել դա Punycode-ի եւ մուտքագրել փոխակերպուած տարբերակը (xn–y9a6bah4ck.xn–y9a3aq)։ Վերեւում նշուած հասցէների համար ես արդէն արել եմ։

Բարի գալուստ Մաստոդոն (:

AMD-ի երաշխիքը, չիպերի արտահանումը ՀՀ-ից, CPU-ի հրահանգներ

2023-08-29T00:00:00+04:00

Ամիսներ առաջ սպասարկիչը անջատուեց ու չէր միանում։ Տարայ hardware.am ստուգեցին, պարզուեց պրոցեսորն ա փչացել։ Ի դէպ շատ հոգատար ու պրոֆեսիոնալ վերաբերմունք ցոյց տուին։

Մինչեւ նոր պրոցեսոր գնելը, եղբօրիցս ժամանակաւոր վերցրի՝ Intel® Celeron® G3900 պրոցեսոր ու համապատասխան տպասալ։ Սպասարկիչը միացրի, կարգաւորեցի ցանցը ու ենթադրեցի որ ամէն ինչ նորմալ ա։

Աւելի ուշ նկատեցի, որ mongodb-ով աշխատող մի քանի ծրագիր չի միացել։ mongodb-ի լոգերում signal=ILL կոդ կար, որը նշանակում ա «անօրինական հրահանգ»՝

Illegal instruction. The ILL signal is sent to a process when it attempts to execute a malformed, unknown, or privileged instruction.

Պարզուեց որ 5-րդ վարկածից սկսած mongodb-ն օգտագրոծում ա պրոցեսորի AVX ընդլայնումը, իսկ Intel® Celeron® G3900 դա չունի։

Նախկին պրոցեսորս AMD Ryzen 5 2600 էր։ Համեմատաբար հզօր ու ժամանակակից։ Դրան համապատասխան՝ AMD Ryzen 5 4500 պատուիրեցի, որ հնարաւորինս շուտ վերականգնեմ սպասարկիչի աշխատանքը։ mongodb-ի վարկածն էլ ցածրացրի, որ առնուազն բառարան.հայ-ը աշխատի։

Էդ ամէնը տեւեց մօտ 3 ամիս։ Երբ ամէն ինչ սկսեց աշխատել, որոշեցի փչացած պրոցեսորով զբաղուել։ AMD-ին երեք տարուայ երախիք էր տուել, դրա համար նամակ գրեցի սպասարկման բաժնին։ Ուղարկեցի պրոցեսորի նկարը որ համոզուեն, որ ֆիզիկական վնասուած չունի։ Ոչ էլ դեֆորմացել ա բարձր ջերմաստիճանից։ Խնդիրը նկարագրելու համար օգտուեցի նաեւ իրանց ուղեցոյցից։

Երկու օր յետոյ պատասխանեցին, որ ընդունում են խնդիրը ու պատրաստ են հետ վերցնել փոխելու կամ նորոգելու համար։ Էլ. փոստիս ուղարկեցին DHL-ի առաքման յայտ, որի համար նախապէս վճարել էին։ Պրոցեսորը տարայ Ամիրյան 27 շենք, DHL-ի Երեւանեան գրասենեակ։ Էնտեղ ասեցին, որ վստահ չեն, որ հնարաւոր ա առաքել, զի հրաման կայ արգելող ՀՀ-ից չիպերի արտահանումը։

Էստեղից իմացայ, որ նման խնդիր կայ, զի որոշ կազմակերպութիւններ օգնում են Ռուսաստանին շրջանցել պատժամիջոցները ու չիպեր գնել։

Շարունակելի…

հարցազրոյցների աբսուրդը

2023-04-13T00:00:00+04:00

Վերջերս մի քանի հարցազրոյցի մասնակցեցի։ Ըստ էութեան բոլորը լաւ էին կազմակերպուած բայց ոչ մէկը չանցայ։ Դէ մտածեցի վատ մասնագէտ եմ, 8 տարի 2 տեղում աշխատելով նոր բան չեմ սովորել ու տէնց։ Բայց յետոյ խօսեցի գործազուրկ միւս ընկերներիս հետ, որոնք ի տարբերութիւն ինձ 20 տարուայ փորձ ունեն ու հասկացայ, որ խնդիրը ես չեմ։

Ինձ թուում ա խնդիրը հէնց հարցազրոյցի գաղափարն ա։

Երբ մեծ կազմակերպութիւնը, իր նախագծերից մէկը տալիս ա փոքր կազմակերպութեան, նա չի գնում ստուգելու փոքր կազմակերպութեան ամէն աշխատողին։ Այլ նայում ա տուեալ կազմակերպութեան պատմութեանը, փորձին եւ արած աշխատանքին։ Յամենային դէպս վերջին 5 տարուայ ընթացքում հէնց էդ փոքր կազմակերպութեան աշխատող եմ եղել։ Ու ինձ համար աբսուրդ ա էս երեւոյթը։

Կարելի ա ասել, որ մասնագէտը, որը ունի արած աշխատանք, հրապարակած կոդ ու անցած ճանապարհ, աւելի անվստահելի ա քան կազմակերպութիւնը, որը ներկայանում ա տուել մասնագէտով։ Ու հիմա ես վախենում եմ դիմել էն կազմակերպութիւններին, որոնց համար տարիներ շարունակ հեռակայ աշխատել եմ, զի կարող ա հարցազրոյցը չանցնեմ։

Շատերի մօտ հիմա հարց կառաջանում, թե որն ա չանցնելու պատճառը։

Չգիտեմ, ուղղակի մարդիկ տարբեր են։ Ինձ համար դեռ համալսարանի տարիներից քննութեան գնալը մեծ սթրես ա եղել։ Երեւի շատերին ա ծանօթ էդ զգացումը, երբ ամբողջ տարի սովորել ես բայց քննութեան օրը բան չես յիշում։

Ինձ թուում ա ծանօթներին առանց հարցազրոյցի ընդունելը լաւ մօտեցում ա։ Իսկ անծանօթների դէպքում կարելի ա պատմութեանը նայել։ Տեխնիկական հարցազրոյցն էլ թող մնայ սկսնակներին, զի նրանք չունեն պատմութիւն, բայց ունեն թարմ տեսական գիտելիքներ։

ինչպէս ուղղեցի խօսքի սինթեզատորը հայերէնի համար

2023-03-03T00:00:00+04:00

eSpeakNG-ը բաց ելակոդով խօսքի սինթեզատոր է։ Այն օգտագործում է ֆորմանտ սինթեզի եղանակը ինչի շնորհիւ սպասարկում է բազմաթիւ լեզուներ համեմատաբար փոքր տեղ զբաղեցնելով։

Ամէն լեզուի համար ծրագրում կայ յատուկ ֆայլ, որտեղ միջազգային հնչիւնական այբուբենով գրուած է խօսքի հնչիւնների ակուստիկ բնութագրերը։

Ինձ համար զարմանալի էր այն, որ ծրագիրը կարողանում էր կարդալ ինչպէս արեւելահայերէն այնպէս էլ արեւմտահայերէն։ Եթե չեմ սխալւում դրանք աւելացրել էր հէնց ծրագրի հեղինակը, օգտուելով վիքիպեդիայից։

Ծրագրով որոշ ժամանակ խաղալուց յետոյ, գտայ մի քանի սխալ՝

եք, ենք, են, եմ-ը ծրագիրը կարդում էր «ե» հնչիւնով, չնայած որ միշտ պէտք է կարդալ «է»-ով,
ծրագիրը գիտեր, որ դասական ուղղագրութեամբ, բառավերջում «ա» եւ «ո» տառերից յետոյ գրուող «յ»-ն չի կարդացուում, բայց չգիտեր, որ կան բացառութիւններ՝ հայ, բայ, վայ, Նոյ, խոյ, ճայ, գոյ, բոյ, փայ, թայ, այ, հոբոյ, կովբոյ բառերում։ Ուղղելու համար պարզապէս աւելացրի նշուած բառերի ամբողջական արտասանութիւնը,
հեղինակը նաեւ նշել էր, որ բառամիջում գրուած «ոյ»-ը միշտ պէտք է կարդալ «ույ», ինչը ճիշտ է միայն դասական ուղղագրութեան համար,
ես-ը համատեքստից կախուած կարորղ է կարդացուել ինչպէս «ես» այնպէս էլ «էս»։ Դա չկարողացայ ուղղել, զի սինթեզատորը համատեքստին չի նայում։

Նշուած փոփոխութիւնները կարող էք տեսնել ասյտեղ՝ 536f490, ee6d474:

Այս պատմութեան մէջ կար եւս մէկ հետաքրքիր փաստ։ Գուգլի թարգմանիչը կարդում էր հայերէն տեքստը լրիւ նոյն սխալներով։ Ինչից կարելի էր հասկանալ, որ օգտագործել են նոյն ծրագիրը։ Դրանից երեք տարի անց՝ այսօր, փորձեցի ստուգել Գուգլ-թարգմանիչի աշխատանքը, յոյս ունենալով, որ վերցրած կը լինեն ուղղումներս։ Բայց պարզուեց որ ամբողջութեամբ հանել են հայերէն արտասանութիւնը ։//

կայքում մեկնաբանութիւններ ստանալու յաւելուած

2023-02-15T00:00:00+04:00

Որոշ CMS-ներ (բովանդակութիւն կառավարելու համակարգեր), ինչպիսին են՝ WordPress, Joomla, ունեն մեկնաբանութիւնների սեփական յաւելուածը։ Իսկ օրինակ Jekyll-ն կամ HUGO-ն չունեն։ Դրանցում մեկնաբանութիւններ ստանալու համար անհրաժեշտ է աւելացնել մէկ այլ անկախ յաւելուած, որը ունի սեփական backend-ը եւ բազան։ Այդպիսի յաւելուած է Disqus-ը։ Այն պահում է մեկնաբանութիւնները իր բազայում, բացուած էջի հասցէին համապատասխան։

Disqus-ի գաղափարը շատ լաւն է, բայց ինչպէս ցանկացած կոմերցիոն ծրագիր այն ունի սահմանափակումներ եւ ճնշող կանոնակարգ։ Դրա պատճառով ես սկսեցի սարքել fooComments-ը։ Այն ազատ, բաց կոդով յաւելուած է, որը մէկ անգամ սերուերում տեղադրելով կարելի է օգտագործել բոլոր կայքերի բոլոր էջերում։

Սերուերում տեղադրելու համար անհրաժեշտ է ունենալ Node.js եւ MongoDB։ Չնայած կոդը այնքան փոքր է, որ ցանկութեան դէպքում կարելի է արտագրել այլ լեզուներով։ Միգուցէ խնդրենք ChatGPT-ն անի (:

Իսկ կայքի էջում անհրաժեշտ է աւելացնել հետեւեալ HTMԼ-ը՝

<div
  id="foo-comments"
  data-theme="light"
  data-language="en"
  data-api-url="{API_URL}"
></div>
<script src="{HOSTING_URL}/foo-comments.min.js"></script>

Բացի նշուած առաւելութիւններից fooComments-ը ունի գունային թեմաներ եւ բազմալեզու ինտերֆէյս։

մտքեր backup-ի մասին

2023-02-14T00:00:00+04:00

Իմ երազանքների բէքափը զերծ ա աւելորդ ֆայլերից։ Դա մօտաւորապէս այսպէս եմ պատկերացնում։ Մէկ անգամ անում եմ ՕՀ-ի ամբողջական բէքափ, որը միգուցէ կը պարունակի նաեւ իմ տուեալները։ Յաջորդ անգամները անում եմ միայն իմ կարգաւորումների ու անձնական տուեալների բէքափը։ Բայց այստեղ կայ մի խնդիր։ Ես չեմ ուզում պահել ծրագրերում օգտագործուած փաթեթները։ Դրանք զբաղեցնում են աւելորդ տեղ եւ ազդում են պահեստաւորման (backup-ի) արագութեան վրայ։

Դրա համար մտածում եմ ՕՀ-ի պանակներից բացի անտեսել նաեւ .gitignore-ում յաճախ հանդիպող պանակների անունները՝

tar czf /backup.tar.gz \
    --exclude=/backup.tar.gz \
    --exclude=/dev \
    --exclude=/mnt \
    --exclude=/var/cache \
    --exclude=/var/log \
    --exclude=/proc \
    --exclude=/sys \
    --exclude=/tmp \
    --exclude=/media \
    --exclude=/lost+found \
    --exclude=node_modules \
    --exclude=.jekyll-cache \
    --exclude=gems
    /

Վերականգման ժամանակ կարելի ա find /home -name '.gitignore'-ով գտնել անտեսուած փաթեթների հասցէները եւ ձեռքով վերատեղադրել։ Բայց սա այդքան էլ յուսալի ձեւ չէ։

Կարծես rsync-ը ունի հնարաւորութիւն .gitignore-ին լսելու, բայց երբեք չեմ փորձել՝

rsync -azP --delete --filter=":- .gitignore" . my-target-host:/my/target/directory

Ինչեւէ, դեռ շարունակում եմ մտածել էս մասին ու միգուցէ աւելի լաւ տարբերակ գտնեմ։

[թարմացում 02.04.2023]

Մի քիչ կարդացի rsync-ի մասին։ Հիմա օգտագործում եմ էս հրամանը՝

sudo rsync -av --delete --exclude-from="/backup/excludes.txt" / /backup/full

excludes.txt-ում ունեմ էսպիսի ցուցակ՝

/backup
node_modules
/var/cache/*
/var/log/*
/dev/*
/proc/*
/sys/*
/tmp/*
/run/*
/media/*
/lost+found

mastodon-ի չնախատեսուած յարմարեցումները

2023-02-14T00:00:00+04:00

mastodon-ը սկզբունքայնօրէն չի թոյլատրում յարմարեցնել որոշ կարգաւորումներ։ Դրանցից մէկը գրառման առաւելագոյն երկարութիւնը փոխելն է։ Բայց քան զի գործ ունենք բաց ելակոդով ծրագրի հետ, կարող ենք ցանկացած փոփոխութիւն անել կոդում։

Նշուած ֆայլերում անհրաժեշտ է գտնել 500 թիւը եւ փոխել ըստ պահանջի՝

mastodon/live/app/javascript/mastodon/features/compose/components/compose_form.js
mastodon/live/app/validators/status_length_validator.rb

Դրանք փոխելուց յետոյ պէտք նորից շինել ծրագիրը ու վերագործարկել՝

RAILS_ENV=production bundle exec rails assets:precompile
systemctl restart mastodon-web

Միւս հարմարեցումը, որ սիրում եմ անել, ապրանքանշանը փոխելն է։ 4.0.2, 4.1.0 վարկածներում դա անում եմ ադմինիստրատորին յատկացուած Custom CSS դաշտից, գրելով՝

.logo-container a > svg *,
.column-link--logo > svg *,
.ui__header__logo > svg *,
a.brand svg * {
 visibility: hidden;
}

.logo-container a > svg,
.column-link--logo > svg,
.ui__header__logo > svg,
a.brand svg {
 background: url(/ms-logo.png) center center/100% no-repeat !important;
}

ms-logo.png-ը նախապէս վերբեռնել եմ mastodon/live/public պանակում։

ejabberd տեղադրելու մասին

2023-02-14T00:00:00+04:00

Մինչեւ ejabberd տեղադրելը prosody փորձեցի։ Չնայած նրան, որ prosody-ն աւելի հասարակ, փորձուած ու թեթեւ ա թուում, իրականում աւելի խառը, չդակումենտացուած ու խնդրայարոյց էր։ Իմ ամենամեծ խնդիրը եղել ա iOS-ում push notification չստանալը։ Ահագին փորփրեցի կոդը, ման եկայ մոդուլներ, բայց տէնց էլ չկարողացայ ֆիքսել։ Որոշեցի անցնել ejabberd-ի ու հասկացայ, որ ոչ միայն էդ խնդիրն ա լուծուած, այլ նաեւ մի շարք առաւելութիւններ ունի։ Դրանցից են՝ մոդերատորի էջը, պարզ ու հասկանալի կարգաւորումների ֆայլը, մի շարք պահանջուած մոդուլների լռելեան միացուած լինելը եւն։

Տեղադրելու համար պէտք ա բացել հետեւեալ պորտերը՝

5222, 5223, 5269, 5443, 5280

Նաեւ պէտք ա ունենալ այսպիսի dns կարգաւորումներ՝

example.org - XMPP-ի համար դոմեն, որի A-ռեքորդը ձեր սպասարկիչի ip-ն ա  
conference.example.org - բազմամարդ չաթի համար A-ռեքորդ նոյն ip-ով 
upload.example.org - ֆայլեր բեռնելու համար A-ռեքորդ նոյն ip-ով 
proxy.example.org - SOCKS5 պրոքսիի համար A-ռեքորդ էլի նոյն ip-ով 

Debian-ում կարելի է տեղադրել ստանդարտ փաթեթների կառավարիչով`

apt install ejabberd

Էս կոդն էլ տերմինալում աշխատացնելով կարելի է սերտիֆիկատներ սարքել բոլոր դոմենների համար ու պատճենը դնել անհրաժեշտ պանակում՝

DOMAIN=example.org

declare -a subdomains=("" "conference." "proxy." "pubsub." "upload.")
for i in "${subdomains[@]}"; do
        certbot --nginx -d $i$DOMAIN certonly
        mkdir -p /etc/ejabberd/certs/$i$DOMAIN
        cp /etc/letsencrypt/live/$i$DOMAIN/fullchain.pem /etc/ejabberd/certs/$i$DOMAIN
        cp /etc/letsencrypt/live/$i$DOMAIN/privkey.pem /etc/ejabberd/certs/$i$DOMAIN
done

Միայն չմոռանաք փոխել example.org-ը ու --nginx-ը ձեր կարգաւորումներին համապատասխան։ Նաեւ միգուցէ պէտք լինի սահմանել սերտիֆիկատների հասանելիութիւնը՝

chown -R ejabberd:ejabberd /etc/ejabberd/certs

Ես նախընտրեցի տուեալները պահել PostgeSQL-ում ու դրա համար տեղադրեցի այն՝

apt install postgresql
systemctl start postgresql

Յետոյ տեղադրեցի գործիք, որով ejabberd-ը կպնում ա PostgeSQL-ին՝

apt install erlang-p1-pgsql

ejabberd-ը աւտոմատ չի սարքում բազայի մոդելը, դրա համար պէտք ա անել հետեւեալ քայլերը՝

su -c "createuser --pwprompt ejabberd" postgres
su -c "psql -c 'CREATE DATABASE ejabberd OWNER ejabberd' " postgres
su -c "curl -s https://raw.githubusercontent.com/processone/ejabberd/master/sql/pg.sql | psql postgresql://ejabberd:psql_password@localhost:5432/ejabberd" postgres

psql_password-ի տեղը գրելով նախորդ քայլում ստեղծած ծածկագիրը։

Իսկ վերջում էս ամէնը պէտք ա նշենք ejabberd-ի կարգաւորումներում, որը գտնոււոմ ա /etc/ejabberd/ejabberd.yml-ում՝

###
###              ejabberd configuration file
###
### The parameters used in this configuration file are explained at
###
###       https://docs.ejabberd.im/admin/configuration
###
### The configuration file is written in YAML.
### *******************************************************
### *******           !!! WARNING !!!               *******
### *******     YAML IS INDENTATION SENSITIVE       *******
### ******* MAKE SURE YOU INDENT SECTIONS CORRECTLY *******
### *******************************************************
### Refer to http://en.wikipedia.org/wiki/YAML for the brief description.
###


# loglevel: Verbosity of log files generated by ejabberd
loglevel: info

# rotation: Disable ejabberd's internal log rotation, as the Debian package
# uses logrotate(8).
log_rotate_count: 0


default_db: sql
sql_type: pgsql
sql_server: "localhost"
sql_database: "ejabberd"
sql_username: "ejabberd"
sql_password: "YOUR_PASSWORD"

hosts:
  - "example.org"

certfiles:
  - "/etc/ejabberd/certs/*/*.pem"

# TLS configuration
define_macro:
  'TLS_CIPHERS': "HIGH:!aNULL:!eNULL:!3DES:@STRENGTH"
  'TLS_OPTIONS':
    - "no_sslv3"
    - "no_tlsv1"
    - "no_tlsv1_1"
    - "cipher_server_preference"
    - "no_compression"
    # 'DH_FILE': "/path/to/dhparams.pem"
    # generated with: openssl dhparam -out dhparams.pem 2048

c2s_ciphers: 'TLS_CIPHERS'
s2s_ciphers: 'TLS_CIPHERS'
c2s_protocol_options: 'TLS_OPTIONS'
s2s_protocol_options: 'TLS_OPTIONS'
# c2s_dhfile: 'DH_FILE'
# s2s_dhfile: 'DH_FILE'

listen:
  -
    port: 5222
    ip: "::"
    module: ejabberd_c2s
    max_stanza_size: 262144
    shaper: c2s_shaper
    access: c2s
    starttls_required: true
    protocol_options: 'TLS_OPTIONS'
  -
    port: 5223
    ip: "::"
    module: ejabberd_c2s
    max_stanza_size: 262144
    shaper: c2s_shaper
    access: c2s
    tls: true
    protocol_options: 'TLS_OPTIONS'
  -
    port: 5269
    ip: "::"
    module: ejabberd_s2s_in
    max_stanza_size: 524288
  -
    port: 5443
    ip: "::"
    module: ejabberd_http
    tls: true
    protocol_options: 'TLS_OPTIONS'
    request_handlers:
      /api: mod_http_api
      /bosh: mod_bosh
      ## /captcha: ejabberd_captcha
      /upload: mod_http_upload
      /ws: ejabberd_http_ws
  -
    port: 5280
    ip: "::"
    module: ejabberd_http
    tls: true
    protocol_options: 'TLS_OPTIONS'
    request_handlers:
      /admin: ejabberd_web_admin
      /.well-known/acme-challenge: ejabberd_acme
  # -
  #   port: 3478
  #   ip: "::"
  #   transport: udp
  #   module: ejabberd_stun
  #   use_turn: true
    ## The server's public IPv4 address:
    # turn_ipv4_address: "203.0.113.3"
    ## The server's public IPv6 address:
    # turn_ipv6_address: "2001:db8::3"
  # -
  #   port: 1883
  #   ip: "::"
  #   module: mod_mqtt
  #   backlog: 1000


## Disabling digest-md5 SASL authentication. digest-md5 requires plain-text
## password storage (see auth_password_format option).
disable_sasl_mechanisms:
  - "digest-md5"
  - "X-OAUTH2"

s2s_use_starttls: required

## Store the plain passwords or hashed for SCRAM:
auth_password_format: scram

## Full path to a script that generates the image.
## captcha_cmd: "/usr/share/ejabberd/captcha.sh"

acl:
  admin:
     user:
       - "admin"

  local:
    user_regexp: ""
  loopback:
    ip:
      - 127.0.0.0/8
      - ::1/128

access_rules:
  local:
    allow: local
  c2s:
    deny: blocked
    allow: all
  announce:
    allow: admin
  configure:
    allow: admin
  muc_create:
    allow: local
  pubsub_createnode:
    allow: local
  trusted_network:
    allow: loopback

api_permissions:
  "console commands":
    from:
      - ejabberd_ctl
    who: all
    what: "*"
  "admin access":
    who:
      access:
        allow:
          - acl: loopback
          - acl: admin
      oauth:
        scope: "ejabberd:admin"
        access:
          allow:
            - acl: loopback
            - acl: admin
    what:
      - "*"
      - "!stop"
      - "!start"
  "public commands":
    who:
      ip: 127.0.0.1/8
    what:
      - status
      - connected_users_number

shaper:
  normal:
    rate: 3000
    burst_size: 20000
  fast: 200000

shaper_rules:
  max_user_sessions: 10
  max_user_offline_messages:
    5000: admin
    100: all
  c2s_shaper:
    none: admin
    normal: all
  s2s_shaper: fast

modules:
  mod_adhoc: {}
  mod_admin_extra: {}
  mod_announce:
    access: announce
  mod_avatar: {}
  mod_blocking: {}
  mod_bosh: {}
  mod_caps: {}
  mod_carboncopy: {}
  mod_client_state: {}
  mod_configure: {}
  ## mod_delegation: {}   # for xep0356
  mod_disco: {}
  mod_fail2ban: {}
  mod_http_api: {}
  mod_http_upload:
    put_url: https://@HOST@:5443/upload
    custom_headers:
      "Access-Control-Allow-Origin": "https://@HOST@"
      "Access-Control-Allow-Methods": "GET,HEAD,PUT,OPTIONS"
      "Access-Control-Allow-Headers": "Content-Type"
  mod_last: {}
  mod_mam:
  ##   ## Mnesia is limited to 2GB, better to use an SQL backend
  ##   ## For small servers SQLite is a good fit and is very easy
  ##   ## to configure. Uncomment this when you have SQL configured:
     db_type: sql
     assume_mam_usage: true
     default: always
  mod_mqtt: {}
  mod_muc:
    host: conference.example.org
    access:
      - allow
    access_admin:
      - allow: admin
    access_create: muc_create
    access_persistent: muc_create
    access_mam:
      - allow
    default_room_options:
      mam: true
  mod_muc_admin: {}
  mod_offline:
    access_max_user_messages: max_user_offline_messages
  mod_ping: {}
  mod_pres_counter:
    count: 5
    interval: 60
  mod_privacy: {}
  mod_private: {}
  ## mod_proxy65:
  ##   access: local
  ##   max_connections: 5
  mod_pubsub:
    access_createnode: pubsub_createnode
    plugins:
      - flat
      - pep
    force_node_config:
      "eu.siacs.conversations.axolotl.*":
        access_model: open
      ## Avoid buggy clients to make their bookmarks public
      storage:bookmarks:
        access_model: whitelist
  mod_push: {}
  mod_push_keepalive: {}
  ## mod_register:
  ##   ## Only accept registration requests from the "trusted"
  ##   ## network (see access_rules section above).
  ##   ## Think twice before enabling registration from any
  ##   ## address. See the Jabber SPAM Manifesto for details:
  ##   ## https://github.com/ge0rg/jabber-spam-fighting-manifesto
  ##   ip_access: trusted_network
  mod_roster:
    versioning: true
  mod_s2s_dialback: {}
  mod_shared_roster: {}
  mod_sic: {}
  mod_stream_mgmt:
    resend_on_timeout: if_offline
  mod_stun_disco: {}
  mod_vcard:
    search: false
  mod_vcard_xupdate: {}
  mod_version: {}

ու վերագործարկել յաւելուածը՝

systemctl restart ejabberd

Եթե ամէն ինչ հարթ ընթանայ, ապա su -c "ejabberdctl register admin example.org password" ejabberd-ով արդէն կարող էք ստեղծել ձեր առաջին օգտատիրոջը, իսկ յետոյ կառաւարել ամէնը http://example.org:5280/admin հասցէից։

Օգտուել եմ հետեւեալ կայքերից՝

https://wiki.denshi.org/hypha/server/ejabberd
https://www.ejabberd.im

macos-ում nano-ով հայատառ գրելու մասին

2023-02-13T00:00:00+04:00

Միշտ մտածել եմ, որ nano-ն յունիքոդ չի կարդում, բայց պարզեուց խնդիրը Մակօսից ա։ Շփոթեցնողն էն էր, որ նոյնիսկ ssh-ով սերուերում բացած nano-ն չէր նկարում հայերէն տառերը։ Թուում էր ուրիշ միջավայր ա, կապ չունի ՕՀ-իդ հետ, բայց արի ու տես՝ ունի։

Մակօսի տերմինալում locale հրամանը աշխատեցնելիս էս երկու փոփոխականները դատարկ էին գալիս՝

LANG=
LC_ALL=

~/.zprofile-ում աւելացրի՝

export LC_ALL=en_US.UTF-8
export LANG=en_US.UTF-8

Յետոյ համակարգից դուրս եկայ նորից մտայ ու nano-ն սկսեց նկարել յունիքոդ սիմուոլները։ Թե ինչի էին դատարկ դրանց արժէքները տէնց էլ չիմացայ։